RSF

Áskorun til sjávarútvegsráðherra

Með stórfelldum niðurskurði á aflaheimildum s.l. haust er vegið að grundvallar starfssemi fiskmarkaða í landinu. Afleiðingar þessa mikla niðurskurðar eru tvennskonar hvað varðar framboð á fiskmörkuðum. Margar útgerðir eru nú í byrjun marsmánaðar að stöðvast og einnig hefur niðurskurðurinn þær afleiðingar að nánast ekkert framboð er á leigumarkaði með aflaheimildir. Fjöldi fiskvinnslufyrirtækja sem byggja vinnslu á hráefnisöflun með kaupum á íslenskum fiskmörkuðum eru nú í mjög alvarlegri stöðu og sjá í raun ekki fram á annað en fjöldauppsagnir fiskvinnslufólks. Slíkt mun hafa alvarlegar afleiðingar á mörkuðum okkar erlendis með íslenskar sjávarafurðir.

Niðurskurður aflaheimilda og algjört frost á leigumarkaði hefur hvað mest áhrif á þær útgerðir sem staðið hafa undir stöðugu framboði á íslenskum fiskmörkuðum.

Með hliðsjón af aflabrögðum undanfarna mánuði teljum við að engin hætta sé tekin þótt aflaheimildir verði auknar verulega og er í því sambandi hægt að vitna í útreikninga Hafró.

Við skorum því á sjávarútvegsráðherra að auka aflaheimildir í þorski, ýsu, ufsa,karfa, keilu og löngu.

Fiskmarkaður Íslands, Fiskmarkaður Suðurnesja, Reiknistofa fiskmarkaða.

Áætlun Herjólfs

Viðskiptavinum Fiskmarkaðs Vestmannaeyja er bent á að kynna sér vel áætlun Herjólfs. Hægt er að nálgast áætlunina beint frá heimasíðu okkar með því að smella á merki Eimskips hægra megin á síðunni.

43% hækkun á meðalverði milli ára í janúar

Meðalverð
Meðalverð á fiskmörkuðunum í janúar var 284,72 kr sem er 43% hærra en í sama mánuði í fyrra (199,19). Þetta er einnig hæsta meðalverð sem sést hefur i einum mánuði frá upphafi.

Verðmæti
Selt var fyrir 2.424 milljónir í janúar. Þetta er langhæsta verðmæti sem sést hefur í janúarmánuði. Næsthæst var það í janúar 2009, 1.885 milljónir. Aukningin milli ára er 28,6%.

Magn
Seld voru 8,515 tonn sem er 10% minna en í janúar 2009, 9.462 tonn. Salan i janúar 2009 var einmitt sú mesta frá upphafi, en janúar 2009 er sú þriðja mesta.

Smeillið á myndir til að stækka

Hægt er að sjá ýmsar tölfræðiupplýsingar á síðu RSF, www.rsf.is.
Einnig er hægt að prenta út magn, verðmæti og meðalverð á hinum ýmsu tegundum á hinum ýmsu mörkuðum á síðunni. http://rsf.is/sida/samantekt

Skráning á SMS lista RSF

5. janúar síðastliðiinn varð bilun í neti RSF sem olli töfum á uppboði í tæpar 2 klst. Bilunin var slík að einungis hluti kaupenda RSF náði að skoða vefsíðu RSF en þar var hægt að fylgjast með fréttum af biluninni. Æskilegt er að ná til sem flestra ef slík bilun verður. Til að auðvelda fréttaflutning í slíkum tilvikum hefur RSF ákveðið að safna saman farsímanúmerum allra sem hlut eiga að máli þannig að hægt sé að senda SMS á þá. Það sem viðskiptamenn RSF þurfa að gera er að skrá sig á einkaaðgangi RSF fyrir þessum sendingum (www.rsf.is – “Mín síða”) . Einnig er nauðsynlegt að hafa þessar upplýsingar réttar og hvetjum við því alla að skrá breytingar sem verða á þessum númerum jafnóðum og þær verða.

Árið 2009!

Langhæsta söluverðmæti frá upphafi!
Hæsta meðalverð frá upphafi!
Fjórða stærsta árið í magni!

Verðmæti
Selt var fyrir 21.782 milljónir á árinu 2009.
Þetta er 28,7% meira en á árinu 2008 (16.927 milljónir), en það er það næstmesta.

Meðalverð
Meðalverðið á árnu 2009 var 210,52 sem er í fyrsta skipti sem það fer yfir 200 kr.
Meðalverðið var næsthæst á árinu 2008 eða 179,58.
Þetta er hækkun um 17,2%.

Magn
Seld voru 103.469 tonn árið 2009, sem er 9,8% meira en á árinu 2008 (94.263 tonn).
Þetta er það fjórða mesta frá upphafi, ef loðna er ekki tekin með.
Mest var selt árið 2006 eða 106.536 tonn.

Smellið á myndir til að stækka

Hægt er að sjá ýmsar tölfræðiupplýsingar hér á síðunni
Einnig er hægt að prenta út magn, verðmæti og meðalverð á hinum ýmsu tegundum á hinum ýmsu mörkuðum.

50% hækkun á verði í desember

Meðalverð í desember síðastliðnum var 50% hærra (283,32) en í desember 2008 (188,45).
Þetta er 1,8% hærra en í nóvember 2009 (278,21).

Verðmæti sölunnar í desember var 1.751 milljón sem eru langmestu verðmæti sem sést hafa í þeim mánuði. Þetta er 36,1% meira en í desember 2008 (1.287 milljónir).

Magn
Seld voru 6.182 tonn í desember sem 9,5% minna en í desember 2008 (6.829). Þrátt fyrir það er þetta yfir meðallagi í þeim mánuði.

Smellið á myndir til að stækka.

Hægt er að sjá ýmsar tölfræðiupplýsingar hér á síðu RSF.