Viðmót

3. Uppboðsskjárinn.



Mynd 1 - Smelltu á myndina til að fá stærri útgáfu

Uppboðsklukkan birtist kaupendum í Windows umhverfi, og eru aðgerðir framkvæmdar með lyklaborði eða mús.

3.1. Stæðulisti.
Stæðulisti birtist kaupendum í svipuðu formi og í útprentun. Virka stæðan, þ.e. stæðan sem verið er að bjóða upp, er auðkennd en fjórar næstu stæður koma þar fyrir ofan. Að lokinni sölu hverfur seld stæða af skjá en næsta stæða færist niður og er þá tilbúin til uppboðs.

Á stæðulista má sjá eftirfarandi upplýsingar:

3.1.1. Stæðunúmer [St.nr] :
Stæðunúmer á skjá er það sama og á útprentuðum stæðulista, byrjað er að bjóða upp stæðu nr. 1 og síðan koll af kolli þar til uppboði lýkur. Stæðunúmer er mikilvægt því það er m.a. notað við afgreiðslu og rekjanleika.

Stundum vantar stæðunúmer inn í seríuna, t.d. getur röðin birst sem ..., 34, 35, 40, 41, 42, ... Ástæðan er sú að verið er að sameina afla af mismunandi seljendum í eina stæðu og í þessu tilfelli er verið að sameina stæður 35 - 39

3.1.2. Seljandi [Selj] :
Hér sést nafn seljanda eða stytting á nafni.

3.1.3. Höfn/markaður [Höfn/mark] :
Staðsetning sýnir löndunarhöfn þess sem verið er að bjóða upp og einnig á hvaða markaði fiskurinn er við sölu.

3.1.4. Aldur [Al] :
Aldur í dögum.

3.1.5. Athugasemd [Aths] :
Skilaboð um stæðu frá viðkomandi fiskmarkaði

3.1.6. °C [°C] :
Hitastig í fiski við móttöku á markað.

3.1.7. Frágangur [Frág] :
Frágangur á fiski viðkomandi skips eða löndunar/slæginarþjónustu. Einnig sést hér lýsing afurða t.d. saltað, reykt, þurrkað o.sv.frv.

3.1.8. Veiðarfæri [V.færi] :
Sýnir tegund veiðarfæris.

3.1.9. Tegund [Teg] :
Hér kemu nafn fisktegundar eða afurða sem verið er að selja

3.1.10. Slægt [S/Ó] :
Sýnir hvort fiskur er slægður eða óslægður

3.1.11. Stærð [Stærð] :
Sýnir stærðarflokk, þegar notaðar eru lýsingar svo sem bl.g. – bl.st. – smár. o.sv.frv. þá er átt við að viðkomandi stæða hafi að geyma fisk sem að meðaltali fellur innan viðkomandi flokks.

Sé hinsvegar stærðin gefin til kynna með tölustöfum svo sem 2-3. 3-4. 8-12. eða 0.35-0.45 þá er átt við að viðkomandi stæða sé flokkuð og hafi að geyma fisk sem fellur allur innan viðkomandi stærðarmarka.

3.1.12. Meðalþyngd [Mþ] :
Meðalþyngd fisks í viðkomandi stæðu hvort sem hann er flokkaður eða ekki.

3.1.13. Einingar/Lágmarks einingar [E/Lágm] :
Fjöldi eininga í stæðu/lágmarksfjölda eininga sem seldur er í hverju boði, vilji kaupandi taka fleiri einingar en lágmark segir til um þá verður hann að taka margfeldi af lágmarksfjölda.

dæmi: 12/3 kaupandi verður þá að taka 3, 6, 9 eða 12 og aldrei færri en 3
dæmi: 16/4 kaupandi verður þá að taka 4,8, 12 eða 16 og aldrei færri en 4
dæmi: 16/1 kaupandi ræður einingafjölda sem hann kaupir frá 1-16

3.1.14. Meðalþyngd eininga [Kg/E] :
Meðalþyngd í hverri einingu (ker, kassi, ...).

3.1.15. Heildarþyngd [Brúttó/Nettó] :
Heildarþyngd í stæðu.

3.2. Klukkuskjárinn.
Klukkuskjárinn samanstendur af klukkuhring og upplýsingareitum.

3.2.1. Klukkuhringur.
Á klukkuhringnum birtist depill sem færist til rangsælis og telur verð niður frá þeirri byrjunarupphæð sem uppboðshaldari ákveður.

3.2.2. Að stöðva klukku.
Boðið er í með því að stöðva klukkuna. Það er gert með því að ýta á bilslá (space bar) á lyklaborðinu. Á meðan klukkan telur er gefið til kynna í litareit hvort kaupandi og hans undirkaupendur geta boðið í það lágmark sem til sölu er hverju sinni , þ.e. hvort ábyrgðin dugi fyrir minnstu einingu á því verði sem skjárinn sýnir. Kaupandi getur aldrei stöðvað klukkuna ef ábyrgð hans dugir ekki fyrir minnstu einingu að viðbættum markaðskostnaði og lögboðnum gjöldum svo sem vsk.

Fyrir þá kaupendur sem ekki eru með undirkaupendur er málið einfalt: einungis að ýta á bilslá og klukkan stöðvast.

Fyrir þá kaupendur sem eru að kaupa fyrir aðra, þá er hægt að skipta á milli undirkaupanda þó klukkan gangi. Áríðandi er að hafa í huga að áður en klukkan er stöðvuð verður að vera búið að ákveða fyrir hvern á að bjóða í, eftir að klukka hefur verið stöðvuð er ekki hægt að skipta um kaupanda.

3.2.3. Að kaupa.
Eftir að klukkan hefur verið stöðvuð af kaupanda þá kemur tvennt til greina:

1. Ekki er hægt að velja einingafjölda út af því að stæða er einungis ein eining, lágmarksfjöldi eininga er sá sami og heildarfjöldi eininga, eða þá að kaupandi hefur ekki efni á nema minnstu einingu. Í þessu tilfelli eru kaup framkvæmd sjálfkrafa án frekari afskipta kaupanda.
2. Hægt er að velja um fjölda eininga. Þegar kaupandi stöðvar klukku birtist gluggi með tímakvarða. Hér er boðið upp nokkra möguleika, þó innan ákveðinna tímamarka.
   1. Lágmarkseiningu er hægt að kaupa með því að ýta á [Enter]
   2. Einingafjölda er hægt að velja með því að slá inn fjölda eininga og [Enter]
   3. Ef kaupandi velur einingafjölda sem er færri en lágmarks eining þá lítur Fisknet á það sem mistök af hálfu kaupanda, á skjánum birtist texti sem gefur það til kynna og er honum síðan seld lágmarkseining
   4. Ef kaupandi velur einingafjölda umfram ábyrgð þá birtast skilaboð sem segja ,,þú getur að hámarki keypt X einingar” og síðan eru þær einingar seldar kaupanda
   5. Ef kaupandi velur einingar sem eru ekki margfeldi af lágmarksfjölda, t.d. velur 5 þegar lágmark er 2, þá eru honum seldar fjöldi eininga sem er næsta margfeldi fyrir neðan innslegið gildi, í þessu tilfelli 4.
   6. Alltaf þegar Fisknet leiðréttir kaupanda þá er það endanlegt
   7. Hægt er að nota flýtihnappa.
   1.  – (mínus) kaupandi velur lágmarks-einingu.
   2. + (plús) kaupandi velur allar einingar.

Ef kaupandi framkvæmir ekki val innan þeirra tímamarka sem uppboðshaldari setur þá er alltaf seld á kaupanda minnsta eining í viðkomandi boði

3.2.4. Að setja inn viðmiðunarverð og merkja stæður.
Hægt er að fara inn á stæðulistann í Fiskneti og merkja stæður og/eða að setja inn viðmiðunarverð. Þessi möguleiki er hugsaður sem hjálpartæki kaupenda á uppboðinu.



Mynd 2 - Smelltu á myndina til að fá stærri útgáfu

Að merkja stæður:

Farið er inn á stæðulistann með [F6]. Hægt er að fletta upp og niður með [Örvatökkum] og [Page-Up/Down] tökkum. Stæða er valin og merkt með því að ýta á bil slá, við það fær stæðan grænan bakgrunn. Þegar stæðan síðan birtist á stæðulista uppboðsklukku, þá er hún auðkennd með grænum lit, jafnframt er kaupanda gefið til kynna með píp hljóði að stæðan sem hann valdi sé komin á skjáinn.

Athugið að til þess að þetta píp hljóð heyrist þá þarf að vera opið fyrir hljóð í tölvunni (Sjá Control Panel à Sounds and Audio devices à Sounds. Það er “Default beep” sem er notað fyrir klukkuna).

Að setja viðmiðunarverð:

Á sama hátt og áður er farið inn á stæðulistann, stæða valin og sett inn verð í [Viðmiðunarverð], þegar stæðan kemur til uppboðs þá birtist á klukkuhring kaupanda appelsínugulur depill og strik við það verð sem valið var.Til að fara út úr stæðulista og aftur í uppboð er smellt á [Loka] á skjámynd eða [Esc]

Þó þessir valkostir séu notaðir þá hafa þeir á engan hátt áhrif á uppboðið, þetta er aðeins sett inn kaupendum til þæginda. Áðurnefndar upplýsingar birtast einungis á skjá viðkomandi kaupanda en ekki hjá öðrum.

3.2.5. Að takmarka stæðulistann
Hægt er að velja úr stæðulista fisktegund eftir stærð, höfnum ofl.

Þetta er gert með því að fara efst í stæðulistann [F6] undir nafni á flipa, t.d. Fiskteg, er lítið flettitákn. Þegar smellt er á það getur þú valið á milli allra fisktegunda sem eru í uppboði, á sama hátt getur þú flett öðrum gildum og þrengt þannig stæðulistann sem þú ætlar að vinna með.

T.d. ef þú vilt einungis sjá stóran þorsk á stæðulistanum þá byrjarðu á að fletta í fisktegund og velja þorsk. Því næst flettirðu í stærðardálkinum og velur viðeigandi stærðarflokk. Þar með er stæðulistinn á skjánum takmarkaður við ákveðna stærð af þorski.

3.3. Upplýsingareitir inn í klukkuhring.

3.3.1. Stæða [Stæða] :
Sýnir númer þeirrar stæðu sem er í sölu.

3.3.2. Verð [Verð] :
Rúllandi tala sem fylgir bendli á klukkuhring. Þegar klukka er stöðvuð sést uppboðsverð. Kallað verð 1.

3.3.3. Mitt verð [Mitt verð] :
Uppboðsverð að viðbættum kostnaði sem kaupandi getur sett inn, t.d. flutningskostnaði, slægingarkostnaði o.fl. Kallað verð 2. Kaupandi getur sett inn bæði kostnað í kr/kg og einnig % álag. Forsendum er hægt að breyta með [SF2]. Þessar forsendur eru:

• Gjaldmiðill (t.d. 85 ÍSK til að umbreyta yfir í Evrur)
• Kostnaður við hverja kaupafærslu, kostnaður sem leggst þá á verð 1
• Kostnaður við hvert keypt kíló getur verið tvenns konar
  • Annars vegar getur hann verið tengdur höfn/staðsetningu þess sem keypt er t.d. flutningskostnaður. Þennan kostnað er hægt að skilgreina þannig að þegar kaupandi á viðskipti við seljanda á ákveðinni höfn þá bætist sjálfkrafa við áður innsettur flutningskostnaður.
  • Hinsvegar fastur kostnaður t.d. markaðskostnaður.
• Hlutfallskostnaður, bætir kostnaði í % við verð 1

3.3.4. Einingar [Fjöldi eininga] :
Sýnir heildarfjölda eininga í stæðu í upphafi boðs og síðan þær einingar sem eftir verða að loknu hverju boði.

3.3.5. Lágmark [Lágmark] :
Sýnir þann lágmarksfjölda eininga sem kaupanda er boðið upp á að taka úr viðkomandi stæðu, kaupandi verður að taka þessar einingar eða margfeldi af þeim

3.3.6. Kaupandi [Kaupandi] :
Sýnir kaupandanúmer þess sem á boðið.

3.3.7. F6 [F6]
Opnar stæðulista.

3.3.8 F7. [F7] :
Eyðir út tilboði í þá stæðu sem verið er að selja (virk stæða).

3.3.9. F8 [F8] :
Eyðir út öllum tilboðum í viðkomandi uppboði.

3.4. Gluggar neðan við klukku.
Neðan við klukkuhringinn eru nokkrir reitir.

3.4.1. Fisknet [FISKNET] :
Sýnir hvort kaupandi er tengdur við Fisknet [OK] á bláum grunni. Ef ekkert samband er þá er reiturinn rauður

3.4.2. Samband [Samb] :
Hugbúnaður Fisknet mun meta gæði tengingar og birta kaupanda þær upplýsingar með litareit, þar sem grænt táknar fullkomið samband, síðan gult, appelsínugult og að lokum rautt, en rautt táknar að kaupandi getur ekki stöðvað klukkuna.

3.4.3. Kaupandi [Kaup] :
Sýnir númer þess kaupanda sem skráður er inn. Í því tilfelli að einn aðili er að kaupa fyrir fleiri undirkaupendur þá sýnir þessi skjár þann kaupanda sem er virkur. Hafi kaupandi heimild til kaupa þá er reiturinn grænn, sé heimild ekki fyrir hendi þá er reiturinn rauður.

3.4.4. Heimild [Heimild] :
Sýnir stöðu ábyrgðar hjá þeim kaupanda sem er virkur.

3.4.5. SF2 [SF2]:
Takki sem opnar stilliskjá fyrir innsetningu á kostnaði .



Mynd 3

Í þessum glugga getur kaupandi valið að setja inn fastan kostnað:

• Gjaldmiðil
• Gengi
• Kostnað á hverja færslu
• Kostnað á hvert kíló
• Hlutfallskostnað

Mynd 4

Í þessum glugga getur kaupandi sett inn flutningskostnað. Þegar stæða frá viðkomandi höfn er boðin upp bætist innsleginn flutningskostnaður ásamt föstum kostnaði við uppboðsverð og birtist á klukkuskjá í reitnum [Mitt verð]

Að loknu vali eru upplýsingar vistaðar á hörðum diski tölvunnar.

3.4.6. Undirkaupendur.
Kaupandi getur boðið í fyrir aðra (undirkaupendur). Sækja þarf sérstaklega um heimild þar sem undirkaupandi gefur yfirkaupanda leyfi til að bjóða í fyrir sig. Við innskráningu á uppboð sér kaupandi upplýsingar um þá undirkaupendur sem hann er skráður fyrir. Hægt er að skipta á milli kaupenda með því að smella á tákn sem birtast á klukkuskjánum eða með því að nota flýtihnappa:

0 = yfirkaupandi
1-9 = undirkaupendur

Um leið og valinn er nýr undirkaupandi kemur fram í litareit (grænt-rautt) hvort hann hefur heimild til að bjóða í og ábyrgðarstaða viðkomandi.
Ath. Þó sá sem tengir sig inn á Fisknet hafi ekki heimild til að kaupa sjálfur þá hindrar það ekki að hann geti boðið í fyrir sína undirkaupendur.
Ef heimild undirkaupanda til að bjóða í breytist meðan á uppboði stendur þá sér yfirkaupandi það ekki nema að skrá sig út úr uppboði og skrá sig inn aftur.

4. Tilboð.

4.1. Að setja inn tilboð
Á sama hátt og sett er viðmiðunarverð þá er einnig hægt að setja inn tilboð. Farið er inn á stæðulistann með [F6] og valin sú stæða sem bjóða á í. Í viðeigandi reiti er hægt að setja inn eftirfarandi upplýsingar:

Tilboðsverð
Fjöldi eininga sem bjóða á í
Númer undirkaupanda

Síðan er aðgerðin staðfest.
Hægt er að eyða tilboði úr stæðulista með því að velja stæðu og smella síðan á reitinn [Eyða tilboði]

Fisknet meðhöndlar tilboð á sama hátt og kaupandi væri sjálfur að stoppa klukkuna, þó með þeirri undantekningu að ef virkur kaupandi og tilboð stöðva klukkuna á sömu krónutölu þá fær virkur kaupandi boðið. Eftir að tilboð hefur verið sett inn þarf kaupandi ekki að fylgjast frekar með framgangi uppboðs. Tölvan verður að vera tengd og í gangi meðan á uppboði stendur til að hægt sé að senda inn tilboð þegar stæðan kemur til sölu.

Eftirfarandi hnappar eru tengdir tilboðshluta Fisknets:

[F6] Kaupandi opnar stæðulista
[F7] Kaupandi getur dregið tilboð í virka stæðu til baka
[F8] Kaupandi dregur öll tilboð, sem eftir á að vinna úr, til baka í viðkomandi uppboði

4.2. Tilboð [Tilboð]:
Vinstra megin við klukkuskjá er reitur merktur tilboð. Um leið og stæða er tekin til sölu þá birtist hjá viðkomandi kaupenda það tilboðsverð sem hann hefur áður sett í stæðuna. Það birtist á eftirfarandi formi:

Fjöldi eininga * verð (undirkaupandi) , t.d.
1 * 180 (0) > 1 eining á 180 kr/kg fyrir undirkaupanda 0 (sjálfur)
3 * 240 (6) > 3 einingar á 240 krþ/kg fyrir undirkaupanda nr 6

Með hnöppum í klukkuhring [F7] og [F8] getur kaupandi valið að eyða því tilboði sem sést í glugganum eða að eyða öllum tilboðum sem hann hefur áður sett inn.

5. Seldar stæður.
Vinstra megin við klukkuhring er svæði merkt Seldar stæður, þar sér kaupandi upplýsingar um 5 síðustu stæður sem lokið er við að selja.

5.1. Stæða [St.nr] :
Sýnir stæðunúmer.

5.2. Tegund [Fiskteg] :
Sýnir fisktegund.

5.3. Stærð [Stærð] :
Sýnir stærðarflokk viðkomandi fisktegundar.

5.4 .Slægt/óslægt [S/Ó] :
Sýnir hvort fiskur er slægður eða óslægður.

5.5. Einingar [Ein] :
Sýnir fjölda eininga í stæðunni.

5.6. Verð [Verð] :
Sýnir meðaltalsverð viðkomandi stæðu.

6. Kaup.
Neðan við Seldar stæður er gluggi sem heitir Kaup. Tilgangur hans er að gera kaupanda mögulegt að fylgjast með því sem keypt hefur verið á viðkomandi uppboði (uppsafnað magn í hverri tegund) slá inn áætlun um kaup og bera saman við uppsöfnuð kaup.

6.1. Tegund [Teg] :
Sýnir þá fisktegund sem kaupa á eða keypt hefur verið.

6.2. Kaup [Kaup] :
Sýnir það magn sem þegar hefur verið keypt af viðkomandi tegund.

6.3. Áætlun [Áætlun] :
Sýnir það magn sem áætlað er að kaupa.

6.4. Vantar [Vantar] :
Sýnir mismun á því sem keypt hefur verið og því sem áætlað er að kaupa.

6.5. Verð [Mv.] :
Sýnir meðalverð á viðkomandi fisktegund.

Neðst í glugganum er samtölusvæði þar sem fram koma samtölur úr yfirliggjandi dálkum.

Til að komast inn í skráningarglugga fyrir kaupáætlun er valið [F5]



Mynd 5

• + er notað til að skrá nýja línu á kauplistann
• – er notað til að eyða línu
• 5 er notað til að breyta línu
• a táknið er notað til að staðfesta
• X til að hætta við
• Í valglugga merkt Fisktegund er bæði hægt að fletta á milli tegunda og einnig að slá inn fyrstu stafi þeirrar tegundar sem leitað er að.
• Að loknu vali og staðfestingu er glugga lokað

Framkvæmdin við að slá inn kauplistann er því eftirfarandi:

1. [F5] til að opna glugga
2. + til að opna nýja línu
3. Fisktegund – velja tegund úr flettiglugga
4. Slá inn Markmið, kg sem viðkomandi ætlar að kaupa
5. Staðfesta með V
6. Endurtaka svo skref 2 – 5 fyrir hverja fisktegund.

Til að breyta kaupáætlun skal:

1. Velja línu með því að smella á hana
2. Ýta á 5 táknið
3. Breyta Fisktegund og/eða Markmið
4. Ýta á a

Til að henda út línu skal:

1. Velja línu með því að smella á hana
2. Ýta á –
3. Staðfesta að þú viljir fella línuna niður

Meðan á uppboði stendur eru niðurstöður úr kaupáætlun geymdar á tölvu kaupanda. Þegar kaupandi aftengist Fiskneti fær hann valglugga með spurningu um hvort hann vilji eyða kaupagögnum (ef kaupandi vill t.d. byrja með hreint borð á næsta uppboði sama dag) eða ekki. Þessi vistun á upplýsingum er aðeins til skamms tíma því þegar tengst er Fiskneti á nýjum degi þá eru upplýsingarnar sjálfkrafa hreinsaðar út.

7. Aðgerðastika.
Á aðgerðastiku efst á klukkuskjá eru eftirfarandi hnappar:

7.1. Skrá [Skrá]:
Í skrá eru hægt að fletta á milli stillinga sem flestar eru fyrir á lyklaborði.

7.2. Undirkaupandi [U.kaup] :
Sýnir þá undirkaupendur sem tengdur kaupandi hefur heimild til að kaupa fyrir.

7.3. Tilboð [Tilb] :
[F6] Opnar stæðulista
[F7] Eyðir tilboði í þá stæðu sem verið er að bjóða upp
[F8] Eyðir öllum tilboðum sem gerð hafa verið.

7.4. Útprentanir [Útprentanir] :
Tengir kaupanda við útprentunarsíðu, þar er hægt að velja nokkra staðlaða útprentunarmöguleika sem eru eftirfarandi

1. Prenta allan stæðulistann
2. Prenta stæðulista eftir fiskegundum og/eða mörkuðum.
3. Nýleg kaup (fiskkaupalisti). Til að prenta út kaup dagsins er farið í Nýleg kaup á prentlista, þar þarf kaupandi að slá inn notandanafn og lykilorð eins og í Einkaaðgangi.

7.5. Klukkur [Klukkur] :
Ef hægt verður að velja um fleiri en eina uppboðsklukku þá koma klukkutáknin fram á aðgerðarstiku, kaupandi getur valið á milli klukkna með því að smella með músinni á viðkomandi klukkutákn, þegar bendillinn er settur yfir klukkutáknið kemur fram nafn á viðkomandi uppboðsklukku. Þegar kaupandi tengist Fiskneti þá tengist hann sjálfkrafa klukku 1. þ.e. klukku RSF.

7.6. Hjálp [Hjálp] :
Upplýsingar um Fisknet.

8. Sjálfvirkt rof á tengingu og slökkt á Fiskneti.
Kaupandi getur valið um það að Fisknet rjúfi tengingu eftir að síðasta stæða í hefur verið boðin upp.

9. Skilaboð frá uppboðshaldara.
Uppboðshaldari getur sent skilaboð til allra tengdra kaupenda. Skilaboðin birtast yfir kaupáætlun, eftir að kaupandi hefur lesið skilaboðin lokar hann glugganum með [F9] eða smellir á OK hnappinn. Skilaboðin hafa engin áhrif á gang klukkunnar.

10. Breyting á stæðum í uppboði.
Ef breyting verður á stæðum eftir að uppboð er hafið þá sér kaupandi þær breytingar í neðstu stæðu stæðulista á klukku. Þær breytingar sem gerðar hafa verið eru lýstar upp með gulum bakgrunni.