Nýir kaupendur


RSF er þjónustufyrirtæki íslensku fiskmarkaðanna og tengir saman 15 fiskmarkaði á 30 stöðum.
RSF sér um reikningagerð, afreikningagerð og dreifingu á fjármagni til seljenda, markaða, hafna, sjóða og svo frv.

Kaupendur á íslensku fiskmörkuðunum (RSF) þurfa að hafa bankaábyrgð eða greiða kaup sín fyrirfram.
Kaupanda er gefið númer.  Til þess að gera það þarf RSF eftirfarandi upplýsingar:

Kennitölu
Nafn
Heimilisfang
VSK-númer
Símanúmer
Faxnúmer
Netfang
Nafn tengiliðs

Netfang RSF er rsf@rsf.is

Kaupavikan hefst á föstudegi og endar á fimmtudegi. 
Reikningarnir eru síðan sendir út daginn eftir á föstudegi og gjalddagi er síðan fimmtudaginn þar á eftir. 
Greiðslufrestur er því vika.

Greiðsluseðlar birtast í netbanka kaupanda sem sýna reikninga sem þeir skulda.  Ef kaupendur nota ekki greiðsluseðlana í netbankanum til að greiða reikninga, inn á þá eða til að greiða fyrirfram, skulu þeir nota kaupendanúmerið til að auðkenna greiðslurnar.

Hér er listi yfir heiti sviðsins sem nota á í netbönkunum:
KB Banki                         =     Seðilnúmer
Landsbanki / fyrirtækjabanki     =     Stutt tilvísun
Landsbanki / heimabanki          =     Tilvísun
Sparisjóður                      =     Tilvísun
Íslandsbanki                     =     Stutt skýring (tilvísun)

Notið alla 6 stafina 8xxxxx!
RSF er með þessu að auka sjálfvirkni og hraða við skráningu á greiðslunum inn í kerfi sitt og ef seðlarnir í netbanka eru ekki notaðir og/eða tilvísunin er röng gæti það seinkað skráningu eða jafnvel skráist rangt.  Samt sem áður hvetur RSF kaupendur til að greiða ekki á síðustu stundu til að tryggja sig.

Hægt er að nálgast meiri upplýsingar hér:
http://rsf.is/sida/almennar_upplysingar

http://rsf.is/sida/fisknet_verklagsreglur

http://rsf.is/sida/skilmalar

http://rsf.is/sida/gjaldskra

Til að kaupa á internetinu með Fiskneti eða Fjölneti, þarf kaupandinn að hafa háhraðatengingu amk ISDN, helst ADSL. 
Til að ná í nauðsynlegan hugbúnað, Fisknet ferðu á vefsíðu RSF. http://rsf.is/sida/fisknet

Til að tengjast með Fiskneti þarf að nota VPN.  Það er gert með því að smella á takkann hér vinstra megin á síðunni "Tengjast VPN".

Þegar lokið er við að hlaða niður hugbúnaðinum er haft samband við RSF til að fá notendanöfn og lykilorð.

Tölvan skal hafa amk Pentium 4 örgjörva, ekki eldra stýrikerfi en Windows 2000, amk 128 mb RAM og 1024x768 upplausn

Reikningsnúmer RSF er: 0146-26-202, kt. 480592-2479.

Einföld ábyrgð:


STAÐUR OG DAGSETNING.


Reiknistofa fiskmarkaða hf, kt. 480592-2479
Iðavöllum 7
Pósthólf 45
232 Reykjanesbæ


Ábyrgð nr: xxxxxxxx

Samkvæmt starfsreglum yðar sem staðfestar hafa verið af sjávarútvegsráðherra, ber kaupanda á uppboðsmarkaði tengdum yður að setja greiðslutryggingu til yðar fyrir væntanlegum viðskiptum sínum við yður.

Greiðslur vegna viðskiptanna fara fram í síðasta lagi á fimmtudegi í vikunni eftir að uppboð fer fram. 

Að beiðni FYRIRTÆKIS kt. xxxxxx-xxx9, (heimilisfang) og í samræmi við ofanritað ábyrgist SELVOGSBANKI (bankanúmer, heimilisfang) hér með gagnvart yður greiðslu á allt að kr: xxxxxxxxx gegn eftirtöldum skjölum:

1. Skriflegri yfirlýsingu yðar um að þér hafið krafið FYRIRTÆKIÐ um greiðslu og að FYRIRTÆKIÐ sé þar með í vanskilum.

2. Afrit af viðkomandi reikningum.

Ábyrgðin fellur úr gildi þann xx.xx.xx.

Mál vegna ábyrgðar þessarar má reka fyrir ……..


f.h. SELVOGSBANKA