RSF Appið
RSF-appið er ný lausn frá Reiknistofu fiskmarkaða. Markmiðið með þróun smáforritsins er að þjónusta seljendur á fiskmörkuðum enn betur með snjallsímalausn sem er einföld í notkun og veitir allar mikilvægustu upplýsingar og verkfæri tengd sölu á fiskmörkuðum. Appið er enn í þróun og á næstu mánuðum er stefnt á að bæta við frekari virkni á borð við söluupplýsingar, afreikninga og fleira í þeim dúr til upplýsinga fyrir seljendur.
Fyrsta skrefið í þróuninni er Afladagbók RSF sem er nú aðgengileg í appinu. RSF leitast við að auðvelda viðskiptavinum sínum að skila afladagbókum rafrænt til Fiskistofu og tengja þær við sölur á fiskmörkuðum. Afladagbókin er hugsuð fyrir útgerðir sem vilja einfalda og persónulega lausn. Í afladagbókinni er einnig hægt að senda inn meldingar á fiskmarkaði.
Sæktu appið!
Sæktu um aðgang að RSF-appinu hér og náðu í appið á Google Play eða í App Store.
Nánar um appið hér
Algengar spurningar
Hvað gerir RSF Appið?
Afladagbókin er smáforrit fyrir síma og spjaldtölvur sem verður aðgengilegt í App Store og Google Play Store. Forritið er framlenging af vefsíðu RSF (www.rsf.is) og nýtist m.a. til þess að skila inn afladagbókum til Fiskistofu.
Hvernig nota ég RSF Appið?
Hafðu samband með tölvupósti á netfangið rsf@rsf.is eða í síma 420-2000 og við komum þér af stað.
Hvað kostar RSF Appið?
Endanlegt verð hefur enn ekki verið ákveðið þar sem áætlun rekstrar- og þróunarkostnaðar er enn í vinnslu. Ef þú hefur skoðun á málinu má gjarnan hafa samband með tölvupósti á rsf@rsf.is.
Fyrir hvern er RSF Appið?
Afladagbókin er fyrst og fremst hugsuð fyrir minni útgerðir og aðila sem selja á fiskmarkaði. Aðilar sem þurfa að skila inn afladagbók og í leið tengt þau við sína sölu á sölukerfi RSF.
Hvað næst?
Vinna stendur enn yfir við þróun þjónustunnar og er stefnt á frekari viðbætur, eins og t.d. söluupplýsingar, afreikninga og fleira. Ef þú hefur ábendingar eða vilt hafa áhrif á þróunina hvetjum við þig til að senda okkur línu á rsf@rsf.is eða hafa samband í síma 420-2000.