Tilkynning frá FMÍS:

Smyril Line Ísland ehf hefur fest kaup á húsnæði Fiskmarkaðs Íslands við Hafnarskeið 11 í Þorlákshöfn.

Með þessum kaupum er félagið að koma sér upp bættri starfsaðstöðu í bænum enda hafa umsvifin aukist töluvert frá því að vikulegar siglingar hófust milli Þorlákshafnar og Rotterdam með M/V Mykinesi

Fiskmarkaður Íslands hf. og Smyril Line hafa átt farsælt samstarf frá því að siglingar hófust þar sem Fiskmarkaðurinn hefur þjónustað Smyril Line við hleðslu vagna.

Fiskmarkaður Íslands hf. mun starfa áfram með óbreyttu sniði í húsnæðinu um sinn. Viðskiptavinir Fiskmarkaðs Íslands munu fá alla þjónustu fyrirtækisins áfram með sama hætti og verið hefur. Fiskmarkaður Íslands hf. fyrirhugar í kjölfarið að koma sér upp húsnæði sem hæfir betur starfseminni í Þorlákshöfn

Skrifstofa Smyril Line í Þorlákshöfn mun flytja í nýja húsnæðið um áramótin.

iTUB hefur beðið RSF að koma á framfæri tilkynningu til kaupenda sem eru að flytja út fisk til Bretlands.

Tilkynninguna má lesa í heild sinni hér.

iTUB hefur beðið RSF að koma á framfæri tilkynningu til kaupenda sem eru að flytja út fisk til Hollands.

Tilkynninguna má lesa í heild sinni hér.

Við munum halda áfram að hafa uppboð á sunnudögum í stað laugardaga í vetur að fenginni reynslu.
Fyrsta sunnudagsuppboðið verður 7/10 nk. og hefst kl. 13:00.
Hægt er að sjá hvaða daga er uppboð á síðu RSF hér.
Dagsetningin er rauð ef það er ekki uppboð.

Nýr starfsmaður hefur hafið störf hjá RSF.
Hann heitir Magnús Margeir Stefánsson og verður Erlingi Þorsteinssyni til aðstoðar í hug- og vélbúnaðarmálum.
Við bjóðum Magnús velkominn til starfa.

Umbúðamiðlun bað RSF að koma eftirfarandi á framfæri

Tilkynning frá Umbúðamiðlun.
Þrif á kerjum hefur verið ábótavant í gegnum tíðina. Hafa kvartanir frá ykkur viðskiptavinir góðir oftar en ekki komið inn á borð til okkar vegna skítugra kerja. Höfum við því ákveðið að taka á þessum málum og koma þessu í viðunandi horf. Frá og með mánudeginum 17 september taka við nýjar skilareglur á kerjum Umbúðamiðlunar. Hreint ker, allir sáttir. Skítugt ker, gjaldfært þvottagjald á viðkomandi viðskiptavin.

Hvað er hreint ker?
Hreint ker er það ker sem réttilega hefur verið meðhöndlað með sápu, hjáþrýstiþvegið og álímdar merkingar fjarlægðar með öllu. Sé keri skilað í öðru ástandi er litið á hvert ker sem skítugt ker og mun Umbúðamiðlun koma þeim kerjum í þvott og gjaldfæra á viðkomandi notanda fyrir þrifum. Umbúðamiðlun býður viðskiptavinum sínum upp á þrif á kerjum á tveimur stöðum. Hjá Fiskmarkaði Suðurnesja í Sandgerði og hjá Umbúðamiðlun í Hafnarfirði. Margir viðskiptavinir okkar nýta sér þessa þjónustu. Gjald fyrir þessa þjónustu er hægt að nálgast á heimasíðu umb.is einnig er hægt að vera í sambandi við starfsmenn Umbúðamiðlunar fyrir frekari upplýsingar.

Framkvæmdastjóri Umbúðamiðlunar.