Kæru viðskiptavinir Fiskmarkaðs Íslands á Sauðárkróki.

Því miður þurfum við að tilkynna ykkur, að frá og með 25.október næstkomandi verður ekki hægt að fá þjónustu frá Fiskmarkaði Íslands á Sauðárkróki.

Fiskmarkaður Íslands harmar þessa niðurstöðu og þakkar viðskiptavinum félagsins á Sauðárkróki fyrir stuðninginn frá því að starfstöðin var opnuð.

Guðmundur Björn (Gummi) mun starfa fyrir fyrirtækið á Skagaströnd. Vel verður tekið á móti öllum fiski til þjónustu á Skagaströnd líkt og á öðrum starfstöðvum fyrirtækisins sem fyrr.

Kv,

Aron Baldursson

Framkvæmdastjóri

Þann 3. september n.k. tekur gildi breyting á kaupendagjaldi sem verið hefur 1,5 kr/kg, verður 0,75% af aflaverðmætum.

Bjarni Rúnar Heimisson hefur verið ráðinn í stöðu framkvæmdastjóra Reiknistofu fiskmarkaða.

Bjarni kemur til RSF frá Niceland Seafood þar sem hann hefur haft umsjón með útflutningi og almennri verkefnastjórn frá 2018. Hann hefur víðtæka reynslu af sjávarútvegi og starfaði á fiskmarkaðnum á Ísafirði um tíma. Bjarni er menntaður í bæði tölvunarfræði og tölvuverkfræði og hefur meðal annars unnið ítarlega greiningu á uppboðskerfum á fiski.

Bjarni hefur störf hjá RSF þann 1. september n.k.

Ágæti viðskiptavinur Þann 1. Júlí 2021 hækkar gjaldskrá og önnur þjónustugjöld Eimskips Flytjanda í fiskflutningum um 2,9%. Þessar gjaldskrárbreytingar eru gerðar í tengslum við hækkanir á helstu kostnaðarliðum félagsins. Nánari upplýsingar: Pálmar Viggósson sölustjóri innanlandsflutninga pvs@eimskip.is S: 825-7748

Vegna sumarleyfa starfsmanna verður ekki hægt að fá þjónustu við slægingu á fiski hjá Fiskmarkaði Íslands á tímabilinu 1. júlí 2021 – 31. ágúst 2021. Flokkun verður áfram með hefðbundnu sniði.

Because of summer vacations Fiskmarkaður Íslands can not service gutting on the time period 1st of July to 31st of August 2021. Grading of fish will be in place.

Eftir áratuga örugga og góða þjónustu hafa eigendur Nönnu ehf. ákveðið að hætta rekstri 31. júlí n.k. Eimskip mun á sama tíma taka við keflinu af Nönnu er varðar flutninga á fiski til og frá sunnanverðum Vestfjörðum. Eimskip mun leggja höfuðáherslu á að viðhalda áreiðanlegri þjónustu á svæðinu og sinna dreifingu út frá kæligeymslu Eimskip í Sundakæli. Fiskflutningar eru mjög mikilvægur hluti af öflugu flutningakerfi Eimskips. Eimskip er með svæðisskrifstofur víða um land auk þess að vera með þéttofið net öflugra samstarfsaðila um allt land til að tryggja bestu þjónustu sem völ er á.

Nánari upplýsingar: Pálmar Viggósson sölustjóri innanlandsflutninga pvs@eimskip.is S: 825-7748