Nýtt merki RSF verður tekið í notkun frá og með föstudeginum 23.september næstkomandi, klukkan 16:00, ásamt nýju útliti á heimasíðunni RSF.is. Við horfum til framtíðar björtum augum. Nýtt og nútímavætt merki ásamt nýrri heimasíðu er bara byrjunin.

Hægt er að prófa nýja síðu RSF hér – hér eru raungögn, allar breytingar sem gerðar eru hér á aðgöngum verða á rsf.is líka. Prufu gæti verið óstabíl fram á föstudag vegna breytinga.

RSF verður svo með bás á Sjávarútvegur/The Iceland Fishing Expo 2022 ráðstefnunni, sem hefst 21.september og stendur til föstudagsins 23.september. Við tökum vel á móti ykkur á básinn, sem staðsettur verður í B6.

Sjáumst í Laugardalshöll!

Sunnudagsuppboðin byrja aftur næstkomandi sunnudag, 4.september 2022 og hefst það kl. 13:00.

Minnum á uppboðsdagatalið okkar hér.

Gjaldskrárbreyting 1.september 2022.

Ágæti viðskiptavinur.
Frá og með 1.september hækka leigugjöld iTUB um 5%. Frá sama tíma hækka gjöld fyrir söfnun á körum innanlands og þvotti einnig um 5%.

Önnur gjöld, svo sem kg. gjald á fiskmörkuðum hækka líka um 5%. Nýtt gjald á fiskmörkuðum tekur hins vegar gildi frá og með 2.september.

Ef frekari upplýsinga er óskað, má hafa samband við skrifstofu iTUB í gegnum síma 839 1475 eða tölvupóstfangið itub@itub.is.

Við vekjum athygli á því að það verður ekkert uppboð föstudaginn fyrir verslunarmannahelgi (29.júlí 2022) né á frídegi verslunarmanna, mánudaginn 1.ágúst 2022.

Minnum á uppboðsdagatalið okkar hér

Í dag var kveðinn upp í Héraðsdómi Reykjanes, dómur í lögbannsmáli sem RSF höfðaði þann 04.11.2021 gegn NRS ehf. til staðfestingar á lögbanni sem RSF fékk lagt á starfsemi NRS þann 22.10.2021. Krafa um lögbann byggðist á því að „nýtt“ uppboðskerfi NRS væri ólögmæt eftirgerð (kópíering) á uppboðskerfi RSF sem RSF hefur þróað fyrir umtalsverðar fjárhæðir undanfarna áratugi og nýtir í starfsemi sinni en í kerfinu felast viðskiptaleyndarmál í eigu RSF.

Héraðsdómur Reykjanes staðfesti með dómi sínum í dag, lögbannið sem lagt var á starfsemi NRS á þeim grundvelli að kerfið hefði verið kópíerað og með því, brotið gegn höfundar og eignarrétti RSF að kerfinu og viðskiptarleyndarmálum í eigu RSF. Meginkrafa RSF náði þannig fram að ganga eða stöðvað yrði að NRS bryti í starfsemi sinni gegn lögvörðum réttindum RSF með því að nýta eignir RSF án heimildar.

Fyrir liggur að lögbannskrafa RSF beindist líka að tveimur fyrrverandi starfsmönnum RSF sem nú starfa hjá NRS en lögbann var ekki staðfest hvað þá einstaklinga varðar. Ástæða þess varðaði ekki efnisatriði málsins, heldur að talið var þegar dómurinn var kveðinn upp að lokið væri þeim tíma sem samkvæmt ráðningar og starfslokasamningum var lofað að starfa ekki í samkeppni við RSF.