iTUB ehf. (iTUB) og Fiskmarkaður Norðurlands (FMN) hafa gert með sér samkomulag um að iTUB sjái fiskmarkaðnum fyrir kerum fyrir landaðan afla sem lagður er upp til fiskmarkaðarins á nýrri starfsstöð FMN í Hafnarfirði.

FMN mun jafnframt sjá um umsýslu kera á Suðvesturhorni landsins fyrir hönd iTUB og verður FMN í Hafnarfirði þannig aðal þjónustustöð iTUB á Suðvesturhorninu.

iTUB mun frá og með 10 mars n.k. þjóna vaxandi hópi viðskiptavina út frá þjónustustöðinni í Hafnarfirði og munu notendur iTUB kera geta skilað kerum inn til FMN og fengið þar ker afhent skv. leigusamningum viðskiptavina.

Varðar: Breytingar á erlendum og innlendum gjöldum

Ágæti viðskiptavinur,

Frá og með 1. mars 2023 mun þvottagjald á kerum sem notuð eru undir fisk í útflutningi, gjald fyrir heimflutning á tómum kerum frá skilastöðvum erlendis, þvottagjald innanlands og söfnunargjald fyrir kör sem sótt eru til viðskiptavina taka eftirfarandi breytingum:

Þvottagjald erlendis – verður 6,4 – 7,2 EUR án/VSK per ker
Heimflutningur frá skilastöðum erlendis – verður 1550 ISK án/VSK per ker Söfnunargjald innanlands – verður 480 ISK án/VSK per ker
Þvottagjald innanlands – verður 880 ISK án/VSK per ker

Heimflutningur kera sem flutt eru til Bretlands með Eimskip ber aukagjald sem nemur 420 ISK án/VSK.


Hækkun þessi er tilkomin vegna gengisþróunar krónu gagnvart öðrum gjaldmiðlum, almennra verðlagshækkana og hækkunar hjá þvottastöðvum í Evrópu.

Fiskmarkaður Norðurlands FMN hefur opnað útibú í nýju og glæsilegu húsnæði á Hafnargötu 1 í Hafnarfirði þar sem boðið verður upp á almenna fiskmarkaðsþjónustu og ísframleiðslu. Hafnargata er á tanganum sem liggur út frá Suðurgarði (beint fyrir neðan eldri Fjarðarfrost geymsluna).

Ragnar og Ásgeir tilkynnir hér með að við munum gera allt sem í okkar valdi stendur til að sá fiskur sem er tilbúinn fyrir miðnætti muni fara í dreifingu næsta morgun. En sá fiskur sem er ekki tilbúinn fyrir miðnætti gæti seinkað.

Nánari upplýsingar veitir Ásgeir Ragnarsson, sími 892-1817

Frá og með deginum í dag, 31.janúar 2023 mun SNAP heyra sögunni til og við innleiðum Flýtiboð á uppboði dagsins.

Flýtiboð virkar þannig að þegar kaupandi ýtir á kaupa takkann horfum við á það sem svo að vilyrði sé fyrir kaupum og það skuldbindur kaupandann til að kaupa fiskinn á verðinu sem hann ýtir á ef hann er ekki keyptur á hærra verði. Klukkan hoppar upp eins og áður en kaupandinn sem ýtti mun vera með tilboð inni – nánar um flýtiboð og ástæðu breytinganna hér.

FMS hf hefur ráðið Einar Guðmundsson sem nýjan framkvæmdastjóra félagsins. Hann tekur við starfinu af Ragnari H. Kristjánssyni þann 31. janúar n.k.

Einar er fæddur og uppalinn í Bolungarvík á Vestfjörðum og hefur víðtæka reynslu af sjávarútvegi. Hann kemur til FMS úr starfi framkvæmdastjóra hjá Norðanfiski á Akranesi en þar áður var hann framkvæmdastjóri fiskeldisfyrirtækisins Hábrúnar í Hnífsdal. Þar áður starfaði hann sem skipstjóri í áratug og rak útgerð ásamt fjölskyldu sinni í Bolungarvík. Þá er hann útskrifaður viðskiptafræðingur úr Háskólanum á Bifröst. Einar er rúmlega fertugur að aldri og er búsettur í Garðabæ ásamt maka og þremur börnum.

Ragnar H. Kristjánsson lætur af störfum að eigin ósk eftir að hafa gegnt stöðu framkvæmdastjóra FMS í 22 ár, en hann hafði þar áður starfrækt fiskmarkað í Hafnarfirði í átta ár og því verið í fiskmarkaðsumhverfinu síðan 1992. Á sama tíma lætur einnig af störfum Þórður M. Kjartansson, skrifstofustjóri FMS til 22 ára, einnig að eigin ósk. Stjórn FMS hf vill koma á framfæri þakklæti til þeirra beggja fyrir störf sín í þágu félagsins.

Fyrir hönd stjórnar FMS hf,

Pétur Jóhannsson, stjórnarformaður,

Sandgerði, 11. janúar 2023.