Við ætlum að halda áfram að prufa nýja uppboðsforritið.
Sú næsta verður á miðvikudaginn, 19/10, kl. 9:30.
Bættum síðast við vali á fjölda eininga.
Við höfum ekki gert annað en að straumlínulaga kerfið ennþá síðan þá, en ætlum samt að reyna að vera komnir með meira fyrir prufuna.
Látum ykkur vita.
Það hjálpar mikið í ferlinu að sem flestir fari inn og djöflist í þessu eins mögulega er hægt. Helst með sem óvenjulegustum hætti til að gera kerfið sem best.
Minnum ykkur á.

Bilun varð á meðan að uppboðinu stóð í samskiptabúnaði hýsingaraðila RSF í dag. Við biðjumst afsökunar á því. Okkur skilst að eldglæringar gærdagsins hafi “steikt” hluta af þessum búnaði og þess vegna hafi samband við tölvubúnað bilað og dottið niður. Tölvubúnaður RSF var í lagi og uppboðið hélt bara áfram eins og ekkert hafi gerst. Allir kaupendur og RSF misstu samband við uppboðið. Síðan datt sambandið inn aftur smámsaman hjá kaupendum en RSF náði inn síðast vegna þess að samband okkar er annars eðlis. Góð ráð dýr, en við fórum yfir söluna sem varð og við skoðunina sýndist okkur að samband hafi verið komið á við kaupendur í lok óslægða þorsksins. Verð á slægðum þorski var eðlilegt og sambærilegt við verð undanfarið og þeirra tegunda sem eftir komu.
Við þurftum því að setja okkur spor í Salomons forðum og ákváðum að taka aftur stæðurnar frá því að sambandið datt niður fram að slægða þorskinum. Stór hluti þessa stæða seldist ekki heldur taldi niður í núll vegna þess að enginn gat keypt. Það eru örugglega ekki allir sáttir frekar en í dómi Salomons, en við biðjum þá velvirðingar og setja sig í spor RSF og annarra kaupenda.
Þetta hefur aldrei gerst áður og þ.a.l. frumraun okkar og þurfti að taka á þessu af ákveðni.
Við ætlum að fyrirbyggja að þetta gerist aftur með því að vera með einhvern hjá hýsingaraðilanum við tölvubúnaðinn og fylgjast með og grípa inn í ef með þarf þar til að ljóst er að búið er að ganga í skugga um að samskiptabúnaðurinn er í lagi.
Með innleiðingu á nýju uppboðsforriti munum við taka sérstaklega á þessu þannig að þetta gerist ekki aftur.
Enn og aftur biðjumst við afsökunar á þessu.

Eyjólfur Þór Guðlaugsson frkvst.

RSF er að keyra nýja uppboðsforritið á meðan sýningin er í gangi í dag, fimmtudag. Það er í gangi núna.

Kíkið á það.

Á opnunarhátíð sjávarútvegssýningarinnar fékk Fiskmarkaður Þórshafnar viðurkenningu frá Samtökum fiskframleiðenda og útflytjenda (SFÚ) fyrir að skila almennt bestu hráefni til kaupenda. Sjá nánar hér.

Til hamingju Fiskmarkaður Þórshafnar.

RSF ætlar að hafa reglulegar prufur í haust og vetur á nýja uppboðskerfinu sem við erum að þróa. Vegna sjávarútvegssýningarinnar verðum við með 2 prufur í þessari viku. Þær verða miðvikudaginn, 28/9, kl. 16:30 og föstudaginn, 30/9, kl. 10:30. Hvetjum kaupendur til að taka þátt í prufunum.

Núna er hægt að velja einingar úr stæðum, sem bjóða upp á það. Auk þess er hægt að stilla hvort stæðulistinn fyrir neðan fylgi uppboðinu eða ekki.
Einnig er hægt að setja inn tilboð.

Þeir kaupendur sem ekki hafa látið virkja kerfið í einkaaðgangi sínum og langar að skoða skulu hafa samband við RSF. Hringja í RSF eða senda tölvupóst.

Uppboðskerfið er tengt notendanafni ykkar í einkaaðgangi. Þegar prufurnar eru í gangi er hægt að fylgjast með í básnum okkar á sýningunni, B12 (nýja höllin).

Kíkið á okkur.

Fiskmarkaður Íslands hf hefur ráðið Aron Baldursson sem nýjan framkvæmdastjóra félagsins. Aron er fæddur og uppalinn á Rifi á Snæfellsnesi. Undanfarin 8 ár hefur Aron starfað sem sölu- og viðskiptastjóri á fyrirtækjasviði hjá Skeljungi hf. Áður starfaði Aron sem stýrimaður á Rifsara SH70 sem er í eigu fjölskyldu hans.

Aron lauk BS.c gráðu í viðskiptafræði við Háskólann í Reykjavík vorið 2013, einnig hefur hann lokið útvegsrekstrarfræði frá Tækniskólanum og 3-stigs skipstjórnarprófi frá Stýrimannskólanum í Reykjavík. Aron er í sambúð með Karitas Hrafns Elvarsdóttur og eiga þau einn son.

Páll Ingólfsson sem gengt hefur stöðunni í rúm átta ár lætur nú af störfum að eigin ósk en hann hefur verið viðloðandi félagið alveg frá stofnun þess þ.e. sem stjórnarformaður til ársins 2008 og framkvæmdastjóri frá 2008 til dagsins í dag.

Snæfellsbæ 22. september 2016
Guðmundur Smári Guðmundsson
formaður stjórnar