Við munum halda áfram að prófa nýju RSF klukkuna.
Næsta prufa verður á miðvikudaginn, 11/1, kl. 9:30.
Við höfum lagað ýmislegt smávægilegt.

Ákveðið hefur verið að fresta innleiðingunni um einn dag og hún verður þriðjudaginn 7/2 nk í stað 6/2 þar sem ekki þótti ráðlegt að gera þetta á mánudegi. Hvetjum kaupendur til að virkja klukkuna og prófa áður en það verður of seint.

Einnig bendum við á lágmarkskröfur um hug- og vélbúnað sem er eftirfarandi (eldri búnaður gengur ekki):
Windows 7 eða nýrra
macOS 10.10 eða nýrra
Skjáupplausn amk 1280x1024
Góða nettengingu
Mælum einnig með að nota vafrana Chrome, Firefox eða Safari.

Til þess að nýta kerfið sem best er mjög gott að hafa 2 skjái, því það verður fljótlega hægt að hafa klukkuna á öðrum skjánum og allan stæðulistann á hinum.
Þá verður hægt að gera tilboð og merkja stæður á þeim lista. Stefnum áð að það verði komið inn fyrir prufu 19/1 nk. Mælum með því.
Minnum á handbókina á síðunni.

Samkvæmt reglugerð um vigtun og skráningu sjávarafla er ekki leyfilegt að endurvigta afla til frádráttar á kvóta þar sem vigtarnótu er lokað með fastri ísprósentu (3%).
Það er endanleg vigt til kvóta og verður ekki breytt.
Til að benda kaupendum á hvaða afli er vigtaður á þennan hátt í uppboðinu er hann merktur sérstaklega með textanum “Hafnarvog 3% ís”, stuttur texti á klukku er “Hafnvog”.
Fiskmarkaðir munu heldur ekki breyta þessari vigt af augljósum ástæðum.

Frá og með 1/1 2017 breytist gjaldskrá FMV.
Sjá hér.

RSF þakkar þeim sem tóku þátt í prufunni í gær.
Þessar prufur eru nauðsynlegar og hjálpa okkur mjög mikið. Það komu 2 góðar ábendingar í gær sem við erum búin að breyta.
Við munum prófa næst á nýja árinu 11/1 2017. Síðan munu þær verða ört þar til við byrjum að nota þetta 6/2 2017.
Ef þið eruð ekki ennþá búin að virkja klukkuna hafið þá samband og gerið það sem fyrst og skoðið handbókina .
Ef einhverjar spurningar vakna eða þið þurfið leiðbeiningar hikið þá ekki við að hafa samband við RSF (420-2000, rsf@rsf.is)

Gleðileg jól.

Við munum halda áfram með prufurnar okkar á miðvikudaginn kl. 9:30.
Ef það er ekki búið að hana ennþá hjá ykkur hafið þá samband við RSF og við gerum það fyrir ykkur.
Handbókin er komin á síðuna hér fyrir ofan “Uppboðskerfi-Handbók RSF klukku” .
Hvetjum ykkur til að lesa hana og taka þátt í prufunum.

Að gefnu tilefni vill undirritaður taka fram eftirfarandi. Mikillar óánægju hefur gætt vegna þess að hætt var við uppboð síðasta laugardag 17/12. Það var mjög lítið magn á föstudaginn og fjöldi kaupanda sem tengdust náði u.þ.b helmingi af þeim kaupendum sem venjulega taka þátt.
Sá fyrir mér fullt af fólki í vinnu við uppboðið í dag kringum lítið magn með tilheyrandi kostnaði og lítinn áhuga kaupanda. Undanfarna laugardaga hafa verið 50 og 30 tonn á laugardagsuppboðunum. Meðaltalsmagn á laugardögum í haust er uþb 75 tonn. Það er ansi lítið magn og þá var ekki verkfall. Það er ljóst að ég hef vanmetið bæði magn og áhuga.
Hélt að allir myndu taka þessu fagnandi að þurfa ekki að sitja fastir yfir og bíða eftir litlu uppboði á laugardegi nokkrum dögum fyrir jól og fékk það staðfest hjá mörgum. Óánægjuraddirnar voru samt töluvert fleiri en ég ég átti von á.
Það eru ekki alltaf laugardagsuppboð og fólk leysir það yfirleitt og vonandi leystist það farsællega líka núna við þessar aðstæður.

Það er ljóst að þetta var ekki góð ákvörðun og biðst undirritaður alla hlutaðeigandi afsökunar á henni.

Eyjólfur Þór Guðlaugsson framkvæmdastjóri RSF