Nú er þetta að bresta á og við biðlum til allra sem vettlingi geta valdið að tengjast prufuuppboðinu á fimmtudaginn.
Tengjumst og prófum kerfið vel og göngum úr skugga um að við kunnum á það og það virki. Prufan hefst kl. 9:30 og þið getið boðið í eins og þið viljið þrátt fyrir að heimildin sé uppurin.
Skoðið handbókina á síðunni sem við erum sífellt að uppfæra og kennslumyndbandið.

Við þökkum þeim sem gáfu sér tíma til að prófa “platuppboðið” í gær. Þessar prufur hafa mikið vægi fyrir okkur. Fengum ábendingar í gær eftir uppboðið sem við erum að skoða.

Til að hugbúnaðurinn virki sem best er mjög mikilvægt að búnaðurinn sem kaupendur nota sé góður. Mikilvægari en áður. Hægar gamlar tölvur með gömlu stýrikerfi eru ekki ásættanlegar. Einnig er góð nettenging mjög mikilvæg.
Ítrekum hugbúnaðarkröfur sem upptaldar eru í handbókinni.

Við munum prófa næst 2/2 nk og það verður síðasta alvöru prófið fyrir innleiðingu. Við viljum að allir kaupendur prófi þá sem möguleika hafa á því til að sjá hvernig kerfið virkar við venjulegar aðstæður og þeir séu tilbúnir fyrir skiptin.

Við ætlum að prufa á morgun fimmtudag (19/1) kl. 9:30.
Endilega kíkið á klukkuna og prófið.
Mælum með að þið kíkið á handbókina og kennslumyndbandið á síðunni fyrir prufuna.
Það er nokkur atriði sem bæst hafa við, t.d. ef kaupandi á ekki fyrir stæðunni sem verið er að bjóða upp á er hámarksúttektin og verðið rautt. Um leið og verðið er nógu lágt til að hann geti keypt það dettur rauði liturinn út.
Í prufunni skiptir þetta ekki máli, allir geta alltaf keypt óháð hámarksúttektinni.
Einnig er hægt að taka stæðulistann og opna hann í öðrum glugga og t.d. færa hann yfir á annan skjá. Þar verður hægt að sía stæðulistann. Erum að vinna í þessu í augnablikinu þannig að endanlegt útlit verður kannski ekki alveg komið.

Vildum vekja athygli á eftirfarandi:

Hér tekur fiskurinn flugið!
Opinn fundur 18. janúar kl. 14 í Hljómahöll.
Kadeco og Isavia standa saman að fundi um þróun í fiskvinnslu og tækifærum tengdum flugvellinum.

Fjallað verður um samþjöppun botnfiskvinnslu á suðvesturhorninu. Gengisáhrif, aukinn útflutning með auknum flugtengingum og áskoranir sem þessi geiri stendur frammi fyrir.

Sjá nánar hér.

Eins og einhverjir hafa tekið eftir þá var röðun á uppboðinu breytt um helgina.
Þótti eðlilegt að afurðir tengdar hinum ýmsu fisktegundum kæmu á eftir þeim i röðuninni. T.d. flök, flattur fiskur og svo frv. Hrogn eru samt sér en öll í röð og einnig gellur. Lax og silungur voru einnig settar í röð og öll skata. Þetta var svolítið “hist og her” í uppboðinu.
Ábendingar vegna þessa höfðu borist og það þótti rétt eftir mikla skoðun á þessu.

RSF hefur útbúið kennslumyndband vegna nýja uppboðsforritsins. Það er hægt að sjá það hér .

Við munum prófa aftur á fimmtudaginn (19/1), kl. 9:30.
Nú fer að líða að innleiðingunni og ráðlegt fyrir kaupendur að kynna sér hvernig klukkan virkar. Við höfum fengið nokkrar ábendingar, sumar mjög gagnlegar.
Sumt af því er komið inn og annað í farvatninu. Hún verður auðvitað áfram í stöðugri þróun.
Við hvetjum þess vegna kaupendur til að benda okkur á ef þeir hafa hugmyndir eða athugasemdir við kerfið. Ef þið hafið ekki virkjað klukkuna hjá ykkur ennþá þá gerið það og endilega prófið á fimmtudaginn.