Fiskmarkaður Íslands fjárfestir í öflugu kælikerfi

Nú í haust hafa staðið yfir talsverðar framkvæmdir í slægingar- og flokkunarstöð Fiskmarkaðs Íslands í Rifi, þó ber helst að nefna kælikerfi sem ætlað er að halda hráefni kældu í móttöku eða við bestu mögulegar aðstæður fyrir og eftir meðferð. Kælikerfið var keypt af Frostmark ehf., hafa þeir víðtæka reynslu og þekkingu á uppsetningu og þjónustu við kæli- og frystikerfi bæði innanlands og utan. Uppsett kælikerfi er gríðarlega öflugt og stefnt er á að stýra kerfinu með þeim hætt að það sé keyrt á fullum afköstum þegar hráefni er í salnum, sem dæmi um hve öflugt kerfið er þá má nefna að aðeins tekur um 15 mínútur að ná hitastigi í kælinum úr 15°C í 4°C og um 1 klst tekur að lækka hita úr 4°C í 0,5°C.

„það er ábyrgðarhlutur hjá Fiskmörkuðunum að þróa starfsemi sína í þá átt að hún skili af sér sem bestu hráefni“ segir Aron Baldursson framkvæmdastjóri Fiskmarkaðs Íslands.

Við munum halda áfram að prófa nýju RSF klukkuna.
Næsta prufa verður á miðvikudaginn, 11/1, kl. 9:30.
Við höfum lagað ýmislegt smávægilegt.

Ákveðið hefur verið að fresta innleiðingunni um einn dag og hún verður þriðjudaginn 7/2 nk í stað 6/2 þar sem ekki þótti ráðlegt að gera þetta á mánudegi. Hvetjum kaupendur til að virkja klukkuna og prófa áður en það verður of seint.

Einnig bendum við á lágmarkskröfur um hug- og vélbúnað sem er eftirfarandi (eldri búnaður gengur ekki):
Windows 7 eða nýrra
macOS 10.10 eða nýrra
Skjáupplausn amk 1280x1024
Góða nettengingu
Mælum einnig með að nota vafrana Chrome, Firefox eða Safari.

Til þess að nýta kerfið sem best er mjög gott að hafa 2 skjái, því það verður fljótlega hægt að hafa klukkuna á öðrum skjánum og allan stæðulistann á hinum.
Þá verður hægt að gera tilboð og merkja stæður á þeim lista. Stefnum áð að það verði komið inn fyrir prufu 19/1 nk. Mælum með því.
Minnum á handbókina á síðunni.

Samkvæmt reglugerð um vigtun og skráningu sjávarafla er ekki leyfilegt að endurvigta afla til frádráttar á kvóta þar sem vigtarnótu er lokað með fastri ísprósentu (3%).
Það er endanleg vigt til kvóta og verður ekki breytt.
Til að benda kaupendum á hvaða afli er vigtaður á þennan hátt í uppboðinu er hann merktur sérstaklega með textanum “Hafnarvog 3% ís”, stuttur texti á klukku er “Hafnvog”.
Fiskmarkaðir munu heldur ekki breyta þessari vigt af augljósum ástæðum.

Frá og með 1/1 2017 breytist gjaldskrá FMV.
Sjá hér.

RSF þakkar þeim sem tóku þátt í prufunni í gær.
Þessar prufur eru nauðsynlegar og hjálpa okkur mjög mikið. Það komu 2 góðar ábendingar í gær sem við erum búin að breyta.
Við munum prófa næst á nýja árinu 11/1 2017. Síðan munu þær verða ört þar til við byrjum að nota þetta 6/2 2017.
Ef þið eruð ekki ennþá búin að virkja klukkuna hafið þá samband og gerið það sem fyrst og skoðið handbókina .
Ef einhverjar spurningar vakna eða þið þurfið leiðbeiningar hikið þá ekki við að hafa samband við RSF (420-2000, rsf@rsf.is)

Gleðileg jól.

Við munum halda áfram með prufurnar okkar á miðvikudaginn kl. 9:30.
Ef það er ekki búið að hana ennþá hjá ykkur hafið þá samband við RSF og við gerum það fyrir ykkur.
Handbókin er komin á síðuna hér fyrir ofan “Uppboðskerfi-Handbók RSF klukku” .
Hvetjum ykkur til að lesa hana og taka þátt í prufunum.