Föstudaginn 12. október nk verður Fiskmarkaður Vestmannaeyja lokaður.

RSF mun senda afreikninga í tölvupósti frá og með 12. október 2012.
Seljendur geta afþakkað pappír með því að skrá nettfang þess eða þeirra (komma á milli) sem eiga að fá afreikningana í tölvupósti um leið og þeir eru útbúnir í stað þess að fá þá í bréfapósti nokkrum dögum seinna.
Það er gert hér á síðunni í einkaaðgangi undir “Stillingar” eða netfangið sent á RSF (rsf@rsf.is).

Einnig er hægt að nálgast afreikninginn á vefsíðu RSF í einkaaðgangnum.

RSF bendir seljendum á, sem hafa ekki einkaaðgang nú þegar, að sækja um hann. Það er gert hér.

Hikið ekki við að hafa samband við RSF ef þið eruð með spurningar.

Við viljum minna þá á, sem eru að gera upp mánuði fyrir seljendur, að hægt er að nálgast kostnað per löndunardag á síðunni Fisksala undir Seljendur. Þar er hægt að taka tímabilið eftir mánuðum og raða eftir löndunardögum.

Einnig er samtala neðst á síðunni fyrir kostnað vegna þjónustu fiskmarkaða og önnur þjónusta.

Athugið að kostnaður er útreiknaður á föstudögum og því er bara sýndur kostnaður á lokuðum færslum. Ef ykkur vantar að vita kostnað á dögum sem ekki er búið að loka er hægt að nota Bráðabirgðaafreikninginn.

Engin slæging á Skagaströnd mánudaginn 17.09.12 og þriðjudaginn 18.09.12

Frá og með mánudeginum 17. september n.k. verður opið allan sólarhringinn á starfsstöð FMS í Hafnarfirði. Nýr opnunartími er því frá kl. 06:00 á mánudagsmorgni til kl. 08:00 á laugardagsmorgni.

Allar frekari upplýsingar um opnunar- og afgreiðslutíma gefur Kristján Ragnarsson stöðvarstjóri í síma 846-2890.

Komin er nýjung á síðuna fyrir kaupendur. Hægt er að sjá nánari útlistun á gjöldum og ýmsum upplýsingum bakvið reikninga. Þetta er fundið með því að fara í Kaupendur -> Reikningar og smella á “Sjá nánar” hjá einhverjum reikningi.

Þar er tafla sem heitir Gjöld á fisktegund og þar er hægt að sjá nákvæmlega gjöld per hverja fisktegund fyrir sig. Ef smellt er á “Skoða færslur” opnast gluggi þar sem sýnt er hvert einasta gjald sem er sett á þessa fisktegund á þessum reikningi.

Margt annað er að sjá á þessari síðu, eins og t.d. greiðsludaginn, skiptingu á fisktegundum, önnur gjöld, greiðslustöðu og hversu mikið er eftir að borga. Einnig er hægt að sækja PDF útgáfu af reikningnum með því að smella á Sækja PDF þarna neðst.

Við hvetjum kaupendur til að skoða þetta og annað á vefsíðunni. Við höfum verið að bæta hana og breyta til að viðskiptavinir okkar geti betur glöggvað sig á viðskiptum sínum við okkur. Nýja kerfið er öðruvísi uppbyggt en gamla kerfið og stundum erfitt að hafa hlutina nákvæmlega eins, en möguleikarnir eru margfalt meiri. Með tímanum stefnum við á að upplýsingar og listar á síðunni verði mun betri og öflugri en áður.

Við vonum að þetta geti nýst ykkur vel!