Þann 20. apríl 2012 var ný heimasíða RSF sett í loftið, ásamt nýju bakvinnslukerfi sem tók við af Tengli og heitir Boði. Þetta eru búnir að vera frábærir 12 mánuðir og við, starfsfólk Reiknistofu fiskmarkaða, erum þakklát fyrir allan þann stuðning og hvatningu sem við höfum fengið frá okkar viðskiptavinum og samstarfsfólki.

Við munum halda stöðugt áfram að þróa og bæta heimasíðuna og okkar kerfi og hlökkum til að geta kynnt þær nýjungar sem við erum að vinna í.

Takk fyrir!
- Starfsfólk RSF

Fiskmarkaður Húsavíkur er hættur að bjóða uppá slægingu.

Vinnureglur fiskmarkaða tengdum uppboðskerfi Reiknistofu fiskmarkaða.

“Vinnureglur þessar gilda almennt um viðskipti á öllum fiskmörkuðum tengdum uppboðskerfi Reiknistofu fiskmarkaða. Ef gæðakerfi einstakra fiskmarkaða kveða á um ítarlegri reglur við athugasemdum þá gilda þær, enda séu þær birtar á heimasíðu viðkomandi fiskmarkaðs.”

Hægt er að sjá skjalið í heild sinni með því að smella hér: Gæðamat á fiskmarkaði og meðhöndlun athugasemda

Í haust innleiddi RSF athugasemdakerfi á síðunni. Til að gera athugasemd við kaupafærslu er farið inn í einkaaðgang og smellt á “Fiskkaup”. Síðan er fundin kaupafærslan og smellt á stæðunúmerið.

Þá opnast kaupafærslan og upplýsingar um hana.

Þar er hægt að skrá athugasemd, og setja inn viðhengi, t.d. myndir eða skýrslu. Síðan er smellt á “Senda athugasemd” og þá fær viðkomandi markaður tölvupóst. Einnig er hægt að bæta við netfangi til að senda á, í þar til gerðan reit. Ef starfsmaður markaðsins svarar athugasemdinni eins og honum ber, munu samskiptin vistast í þessari mynd.

Breyting hefur verið gerð á samantekt í einkaaðgangi. Notendur hafa nú fleiri valkosti. Til að opna fyrir þá er smellt á tannhjól (sjá mynd).

Nú er hægt að taka út nýjan lista hér á vefsíðunni. Hann er fyrir kaupendur og er undir “Fylgirit reikninga”. Þar eru gjöld kaupenda samantekin í flokka, afgreiðslugjöld, flutningsgjöld og svo frv. Þægilegt fylgiskjal til útprentunar fyrir bókarann. Valin er reikningur og ýtt á „Sækja færslur“ og þá birtist listi þar sem fiskkaup og gjöld eru sundurliðuð á markaði. Neðst er síðan ofangreind samantekt. Hægt er að taka EINGÖNGU út samantektina á gjöldunum með því að haka í „Sýna eingöngu samtölu“ efst á síðunni.