Þar sem mikill skortur er á fiskikössum eru viðskiptavinir Umbúðamiðlunar vinsamlega beðnir um að koma þeim sem fyrst á næsta markað, hreinum!

Stjórn FMS hefur ákveðið að gera breytingu á gjaldskrá sinni frá og með 7. febrúar 2014.

Breytingin felst fyrst og fremst í að lækka % sem tekin er af seljendum og setja þau föstu gjöld sem tekin eru við móttöku og löndun sem næst tilkostnaði við veitta þjónustu.

Einnig eru kaupendagjöld færð nær þeim kostnaði er hlýst við veitta þjónustu.

Gjaldskrána má sjá á heimasíðu www.fms.is

Landflutningar-Samskip hafa það að markmiði að veita viðskiptavinum góða þjónustu á sanngjörnu verði og eru áætlanir settar upp með það að leiðarljósi. Til að lágmarka kostnað við fiskflutninga frá Þingeyri, Flateyri og Suðureyri verður ekið þaðan samkvæmt áætlun félagsins, þ.e. á mánudögum, miðvikudögum og föstudögum kl. 14.00. Aukist eftirspurn frá þessum markaðssvæðum verður brugðist við með tíðari ferðum.

Nánari upplýsingar veitir Kristín Hálfdánsdóttir, rekstrarstjóri Landflutninga á Ísafirði í síma 458 8855

Fiskmarkaður Íslands hf hefur sent frá sér fréttatilkynningu vegna breytinga á gjaldskrá sinni. Hana er hægt að sjá hér

RSF breytti fisknetsgjaldinu um áramót í kr. 8.500 í stað kr. 7.500 á mánuði.

Fisknetsgjaldið hefur verið það sama síðan Fisknetið var tekið í notkun á árinu 2003.

Þeir kaupendur sem nota Fisknetið hvort sem þeir kaupa eður ei eru rukkaðir um gjaldið.

Í stað þess mun RSF fella niður svokallað VPN-gjald sem var kr. 750 á mánuði .

Hikið ekki við að hafa samband við RSF ef þið eruð með spurningar.

RSF hefur farið fram á við banka sem ábyrgjast kaupendur á fiskmörkuðum að þeir samræmi sínar ábyrgðir. Þetta er gert til að jafna kjör kaupendanna því þau eru misjöfn og fara eftir hvaða banki ábyrgist þá. Einnig hafa skilmálar sumra ábyrgða ekki verið nógu skýrir og RSF vill breyta því.

RSF hefur náð samkomulagi við bankana um þessa skilmála og munu þeir verða í sambandi við kaupendur þar sem þörf er á breytingum.

RSF hefur gefið frest til breytinga til 15. janúar og frá og með þeim degi verða þær ábyrgðir sem komast ekki gegnum “nálarauga” RSF ekki teknar gildar.

Hikið ekki við að hafa samband við RSF ef þið eruð með spurningar.